Rusiya daha sonra beynəlxalq bazarlara ixrac etmək məqsədi ilə Belarusla Su-75 kimi tanınan ən son beşinci nəsil yüngül qırıcı Checkmate-nin birgə istehsalının yaradılması təşəbbüsü ilə çıxış edəcək.
1xeber.media xəbər verir ki, bu barədə “RİA Novosti” “Rosoboroneksport”un baş direktorunun bəyanatına istinadən məlumat yayıb.
Mayın 21-dən 24-dək Minskdə keçirilməsi planlaşdırılan MILEX 2025 sərgisi çərçivəsində mümkün əməkdaşlıq məsələsi qaldırılacaq. Direktorun sözlərinə görə, müzakirə üçün perspektivli layihələr siyahısına müasir aviasiya sistemlərinin, o cümlədən “Checkmate” yüngül taktiki təyyarələri, pilotsuz uçuş aparatları, zirehli texnikalar və hava hücumundan müdafiə sistemlərinin birgə inkişafı və yaradılması daxildir.
Bundan əlavə, tərəflər aviasiya mühərriklərinin təmiri və mövcud döyüş təyyarələrinin modernləşdirilməsi sahəsində əməkdaşlıq variantlarını nəzərdən keçirməyi planlaşdırır.
Aprel ayında 19FortyFive Su-75-i ilk uçuşunu tamamlayana qədər tam hüquqlu gizli qırıcı adlandırmağın tez olduğu fikrini bildirdi.
