“Alman irsi mərkəzi”nin (German Heritage Centre) rəhbəri Yusif Aliyev Mədəniyyət naziri Adil Kərimliyə müraciət ünvanlayıb.
1xeber.media xəbər verir ki, o, müraciətdə rəhbərlik etdiyi muzeyin qeydiyyata alınmasını xahiş edib.
Belə ki, Mədəniyyət nazirinin 25 fevral 2015-ci il tarixli, 101 nömrəli əmrinə əsasən, Yusif Aliyev şəxsi mülkiyyətim olan, Şəmkir şəhəri, Səməd Vurğun küçəsi 159 ünvanında yerləşən qədim alman pastoru evi əsasında “Alman irsi mərkəzi” adlı muzey yaradıb. Əmrin 2-ci bəndinə uyğun olaraq, bu muzey 2015-ci ildə strukturdan kənar, lakin Nazirliyə tabe olan muzeylər siyahısına salınmalı imiş. Lakin bu müddət ərzində həmin bənd icra olunmayıb. Nə ştat açılıb, nə də maliyyələşmə ayrılıb. Yusif Aliyevin nazirliyə ünvanladığı nğvbəti məktuba (03.12.2024-cü il №3-24/02/2-Ə-2013/2024) rəsmi cavabda bildirilib ki, məsələ baxılacaq və muzey siyahıya daxil ediləcək. Ancaq bu günə kimi heç bir dəyişiklik yoxdur.
“Mən artıq 11 ildir ki, bu muzeyi şəxsi vəsaitimlə saxlayıram. Pensiyaçıyam, II qrup əliləm və daha bu yükü daşımağa imkanım yoxdur. Sentyabr ayında Şəmkirdə keçiriləcək III MDB Oyunları öncəsi bu muzeyin tam qanuni status alması və maliyyələşməsi vacibdir. Bu məsələni şəxsi nəzarətinizə götürməyinizi və 101 saylı əmrinizin tam yerinə yetirilməsini xahiş edirəm”- deyə muzey rəhbəri müraciətində bildirib.
