2025-ci ilin iyunundan Rusiyada pensiya alan borclular üçün yeni qaydalar qüvvəyə minir.
1xeber.media xəbər verir ki, Federal Məhkəmə İcraçıları Xidməti artıq məhkəmə qərarı olmadan pensiyalardan və digər gəlirlərdən borcların tutulmasını avtomatik həyata keçirə biləcək.
Vəkil İrina Sivakovanın sözlərinə görə, bu, prosesi ciddi şəkildə avtomatlaşdırır və xəbərdarlıqlar dövlət xidmətləri portalı vasitəsilə göndəriləcək.
Yeni mexanizmə əsasən, pensiyadan yalnız yaşayış minimumu (11 970 rubl) toxunulmaz qalacaq. İndeksasiyadan sonra orta pensiyanın (19 360 rubl) 7390 rubluna qədər hissəsi borclara yönləndirilə bilər.
Ekspertlər təqaüdçülərə xəbərdarlıq edir: gecikmiş borclar ciddi maliyyə itkiləri ilə nəticələnə bilər. Borcu olanlar əvvəlcədən tədbir görməlidirlər.
