Azərbaycanda fəaliyyət göstərən əksər məmurların bizneslə məşğul olması heç kimə sirr deyil. Aylıq vəzifə maaşları 1000-1500 manat civarında olan məmurların sahib olduqları yüz min, bəzən isə milyonlarla ölçülən obyektlərin hansı vəsaitlə əldə etməkləri ölkə ictimaiyyətini həmişə düşündürüb.
Vəzifə borcları dövlətə, xalqa xidmət olan bu məmurlar daha çox özlərini, şəxsi mənfəətlərini düşünürlər.
AzFakt.com-un araşdırması zamanı məlum oldu ki, dövlətdən, xalqdan daha çox şəxsi mənafeyini düşünən, özünə mal-mülk əldə edən məmurlardan biri də Sumqayıt şəhərində fəaliyyət göstərən 17 saylı bağçanın müdiri Məmişova Yeganə İldırım qızıdır.
Yeganə Məmişovanın Sumqayıt şəhəri 8 mikrorayon, Bakı küçəsində ticarət mərkəzi var.
Sərmi sənədlərdə ümumi sahəsi 56 kvm göstərilən obyektin real bazarı qiyməti 200 min manatdan artıqdır.
Bağça müdirinin əmlak biznesi bununla yekunlaşmır.
Belə ki, Yeganə Məmişovanın daha bir obyekti Sumqayıt şəhəri 13-cü mikrorayon, Niyazi küçəsində yerləşir.
Bu ünvanda olan obyektin ümumi sahəsi 100 kvadratmetrdir.
Obyektin bazar qiyməti 300 min manat civarındadır.
Aylıq vəzifə maaşı 800-1000 manat arasında olan başça müdiri Yeganə Məmişovanın bu obyektləri hansı vəsaitlə əldə etdiyi ciddi suallar yaradır.
Son illər Azərbaycanda uşaq baxça müdirləri tərəfindən öz qulluq mövqeyindən istifadə edilməsi hallarına daha çox rast gəlmək olar. Belə ki, aidiyyatı qurumların bir çox baxçalarda apardığı yoxlamalarda dövlətin onlara etibar edilmiş vəsaitinin müxtəlif yollarla mənimsənilməsinə əsaslı şübhələr müəyyən edilir. Görəsən Sumqayıt şəhər 17 saylı uşaq baxçasının müdiri Yeganə Məmişovada dövlət vəsaitinə əl uzadır? Yoxsa onun Sumqayıt şəhərində tikdirdiyi obyektlər başqasının vəsaiti hesabına əldə edilib?
Yeganə Məmişova bilməlidir ki, vəzifəli şəxs olduğu üçün onun adına biznes oyektinin olması qanunla qadağan edilib.
Qeyd edək ki, Sumqayıt şəhər 17 saylı bağçada 2 qrup fəliyyət göstərir.
