ABŞ iyunun 24-25-də Haaqada keçiriləcək alyansın sammitinin yekun bəyannaməsində Rusiyanın NATO üçün təhlükə kimi göstərilməsinə qarşı çıxa bilər.
1xeber.media xəbər verir ki, bu barədə Euractiv portalı məlumat yayıb.
“NATO-nun üç diplomatının fikrincə, Rusiyadan gələn “təhlükə”ni təkrarlamaq cəhdi ABŞ-la problem yarada bilər, çünki Vaşinqton Moskva və Kiyev arasında sülh danışıqlarında vasitəçi rolunu saxlamağa çalışır”, - məqalədə deyilir.
Qeyd edilir ki, ABŞ-ın mövqeyinin gətirdiyi qeyri-müəyyənlik səbəbindən danışıqlar iştirakçıları sammitin yekun kommünikesinin necə görünəcəyini bilmirlər. Xüsusilə, bu, ABŞ prezidenti Donald Trampın Ukraynanın NATO-ya mümkün üzvlüyü ilə razılaşmamasından, həmçinin Vaşinqtonun Çinin hərbi fəaliyyətini yaxından izləməkdə maraqlı olmasından gedir.
Bundan əvvəl Tramp rusiyalı həmkarı Vladimir Putinlə telefon danışığı zamanı bildirib ki, ABŞ Kiyevin Rusiya hərbi aerodromlarına hücum planlarından xəbərsizdir.
