Xəbər verdiyimiz kimi, Tovuz rayon Əlimərdanlı kənd M.Musayev adına tam orta məktəbinin Günel adlı müəlliminə valideynlər tərəfindən qızıl alınıb və təmtəraqlı tədbir təşkil edilib.
Yayılan videogörüntülərdən sonra müəllimə töhmət verilib. Təhsil üzrə ekspert Kamran Əsədov bunun hüquqi məsuliyyət doğurmadığını bildirib. Ekspert qeyd edib ki, Azərbaycan Respublikasının “Təhsil haqqında” Qanununa görə, müəllim şagirdlərin intellektual və mənəvi inkişafı üçün tədbirlər təşkil edə bilər. Heç bir qanun müəllimin məktəbdənkənar, könüllü görüş keçirməsini qadağan etmir.
Məsələ ilə bağlı Tribunainfo.az-a açıqlama verən iqtisadiyyat üzrə fəlsəfə doktoru Günay Hüseynova bildirib ki, bu biabırçı vəziyyətdir.
G. Hüseynovanın sözlərinə görə, bu hadisə ilə bağlı xəbərlər yayılanda çoxsayda müəllim rəylərə tökülüşmüşdü. Müəllimlər rəylərdə qeyd edirdilər ki, “necə olur, dodağını şişirdən müğənnilərə pul veriləndə, milyonluq villalar alınanda səsiniz çıxmırdı”.
Bəxi müəllimlər var ki, belə məsələlərdə minnət edirlər. Elə bil valideynlər yalvarır ki, gəlin övladıma dərs keçin. Buna minnət etmək lazım deyil. Uşaqlara dərs əvəzi imam ehsanı vermirlər. Müəllimlər dərs tədris edir, onun qarşılığında da əməkhaqqı alır. Bütün sahələrdə belədir, hamı əziyyət çəkir. Əziyyət çəkilməyən sahə yoxdur. Bu tip müəllimlər danışdıqca, özləri batırlar. Elə qızılı qəbul edən müəllimə dəstək olan ekspertlər də həmin ağıldadır. Hər kəsin ürəyindən keçər, müəlliməyə hədiyyə almaq istəyə bilər. Amma bu məsələdə elə bil müəllim uşaqdır, camaatın qabağına düşüb gedir. Videoda isə təkzib edərək, bildirir ki, mənim xəbərim olmadı, evdən götütdülər. Bir soruşan yoxdurmu ki, “sən hara gedirsən?”, “kimin məclisinə gedirsən?”. Tutaq ki, ad günüdür, o biri valideynlər nə gəzir orada?
İlk növbədə günah valideynlərdədir. Müəllim çox şey deyə bilər. Sonradan görən, yaltaq, özünü göstərməyə çalışan valideynlər var ki, valideyn komitəsi olur və işi-gücü pul yığmaq olur. Valideynləri də məcbur edirlər. Bəlkə camaatın evində yeməyə çörəyi yoxdur. Hədiyyə vermək istəyirsən, çox göylə gedirsən, özün öz cibindən 300 manat ver, lap 1000 manat ver özün al. İnsanları buna məcbur etmə. Bizim vaxtımızda da vardı, sadəcə bu qədər qabarıq formada olmurdu.
Bu tip valideynlərin əksəriyyəti yoldaşı tərəfindən dəyər, hörmət görməyən İnsanlar hamam suyundan özünə dost tutmağa çalışırlar. Cahil, danışığını bilməyən, dəyər görməyən insanlar çalışırlar ki, hədiyyə ilə və s. kiminsə gözünə girsinlər. Həmin valideynlər də o insan tipinə aiddir. Övladının biliyinə bələd olan valideyn onsuz da rüşvət, hədiyyə kimi mənasız tədbirlərə qoşulmur. Belə olan halda, müəllim də bilir ki, uşağı bilikli olanın valideyni də savadlıdır. Qiymətini hədiyyə verdi deyə kəssə, həmin valideyn sabah gəlib haqqını tələb edər. Gədəbəy, Tovuz, Qazax bölgəsi onsuz da qızıla həvəsli insanlardır. Hətta orada yasa gedən adamlar da evdə qızıl qoymurlar, üst-üstə taxırlar. Ona görə də müəllimin etiraz etməməyi də normaldır. Çünki bu bölgələrin insanları qızılı dəhşət sevirlər.
