Fransa prezidenti Emmanuel Makron keçirdiyi mətbuat konfransında deyib ki, İran İsrailə cavab zərbəsi endirmək qərarına gələrsə, bu ölkə Tel-Əvivi dəstəkləyəcək.
1xeber.media xəbər verir ki, yayım Yelisey sarayının X sosial şəbəkəsindəki rəsmi səhifəsində aparılıb.
Makron jurnalistlərin Fransanın “İsrailin özünü müdafiə etmək hüququnu dəstəkləməyə” nə dərəcədə hazır olması ilə bağlı sualını belə cavablandırıb.
İran prezidenti bundan əvvəl İsrailin zərbələrə müvafiq cavab alacağını bildirmişdi. İran lideri Məsud Pezeşkian Rusiya prezidenti Vladimir Putinlə söhbəti zamanı hücumu beynəlxalq qaydaların açıq şəkildə pozulması kimi qiymətləndirib.
Xəbər verdiyimiz kimi, iyunun 13-də Vladimir Putin İran prezidenti və İsrailin baş naziri ilə telefon danışığı aparıb. Kremlin mətbuat xidməti aydınlaşdırıb ki, söhbət “İsrailin İrana qarşı hərbi əməliyyatı nəticəsində vəziyyətin təhlükəli gərginləşməsi” ilə bağlı olub. Rusiya Xarici İşlər Nazirliyi İsrailin hücumunu vəhşilik adlandırıb.
