Naxçıvanda Respublika Xəstəxanasının Endokrinoloji xəstəliklər şöbəsi, rüşvət verməyən ağır şəkər xəstələrini müalicə etməkdən imtina edir. Bu şöbənin rəbhəri Naxçıvan Ali Məlcisinin detupatı Aysel Dünyamalıyevadır.
Şikayətçilərin "Gündəlik Naxçıvan"a verdikləri məlumata görə, uzun müalicəsi tələb olunan pulsuz xəstələr uzaqbaşı iki gün xəstəxanada saxlanıldıqdan sonra evə, həyatla təkbaşına mübarizəyə göndərilirlər. Baş həkimin haqqına çatdıranlar isə, burada lazımı qədər müalicə ala bilirlər.
Şərur rayon sakini ağır şəkər xəstəsi olomaqla yanaşı həm də qaraciyər serrozundan əziyyət çəkir.
O deyir ki,
“Ağır şəkər xəstəsiyəm. İnsult keçirdiyimə görə, Şərurdan Naxçıvana Respublika xəstəxanasına göndərdilər. Rəhimova soyadlı həkim xəstəxanada yatıb, təcili müalicə olmağıma ehtiyac olduğunu bildirdi. Sonra gedib şöbə müdiri ilə məsləhətləşdi. Gəlib dedi ki, Şöbə müdiri yatmağına razı olmadı. Mən tanışımın köməkliyi ilə 3 gün xəstəxanada yatdım. Bu müddət ərzində mənə cəmi iki sistem iynəsi qoşuldu. Bundan başqa heç nə edilmədi. Sonra müalicəm başa çatmamış xəstəxanadan çıxardılar.
Dedilər ki, sağalmısan. Mənim vəziyyətim isə əksinə, günü-gündən ağırlaşırdı. Evə çıxmışam, indi vəziyyətim daha da ağırlaşıb. Artıq nitqimi də itirirəmş.“
O deyir ki, bir neçə dəfə şöbə müdirinin qəbuluna düşmək istəsə də mümkün olmayıb:
“Hər dəfə deyirlər ki, Aysel Dünyamalıyeva vətəndaşları qəbul edir, məşğuldur. Məgər biz vətəndaş deyilik? Kasıb olanda nə olar? Mənim vəziyyətim ağırdır. Pulum yoxdursa, ölməliyəm. Naxçıvan səhiyyə nazirindən, digər aidiyyatı qurumlardan kömək istəyirəm”.
Ordubad rayon sakini E. Quliyev də xəstəxanada müalicə ala bilmədiyindən gileylənir:
“ Uzun müddətdir şəkər xəstəliyindən əziyyət çəkirəm. Aşağı orqanlarımda fəsadlar yaranır. Getdim Respublika xəstəxanasına, həkim yoxlayıb vəziyyətimin yaxşı olmadığını, ciddi şəkildə müalicə almağıma ehtiyac olduğunu bildirdi. Lakin, pulum olmadığı üçün xəstəxanada saxlaya bilməyəcəyini dedi. Kənd yerində yaşadığımı, normal müalicə almağa imkan olmadığını bildirsəm də, əhəmiyyəti olmadı. İynə dərman yazıb evə göndərdi. ”
