2024-cü ildə dünya üzrə ev təsərrüfatlarının ümumi sərvəti dollar ifadəsində 4,6% artıb.
1xeber.media xəbər verir ki, bu barədə İsveçrənin UBS bankının hazırladığı son Qlobal Sərvət Hesabatında deyilir.
Əhalinin orta sərvətinin ən yüksək səviyyəsi İsveçrədədir - 687,2 min dollar. 2-ci yerdə ABŞ (620,7 min dollar) qərarlaşıb. Sonrakı yerdə Honq-Konq (601,2 min dollar), Lüksemburq (566,7 min dollar) və Avstraliya (516,6 min dollar) gəlir.
“Orta” rezidentin mövqeyini daha dəqiq əks etdirən orta sərvət baxımından Lüksemburq, Avstraliya və Belçika liderlik edir. İsveçrə bu reytinqdə yeddinci, ABŞ isə on beşinci yerdədir.
ABŞ-da aktivləri 1 milyon dollardan çox olan 23,8 milyon, Çində 6,3 milyondan çox, Fransada 2,9 milyon, Yaponiya və Almaniyada 2,7 milyon, Böyük Britaniyada 2,6 milyon və Rusiyada 426 min insan var.
Dollar milyonçularının sayının artmaqda davam edəcəyi və 2029-cu ilə qədər dünyada milyonçuların indikindən 9% və ya 5,34 milyon nəfər çox olacağı gözlənilir.
