Rusiya Prezidenti Vladimir Putinin sərəncamı ilə 7 iyulda nəqliyyat naziri vəzifəsindən azad edilən Roman Starovoytın əslində bundan bir sutkadan çox əvvəl, ehtimal ki, 5 iyul gecəsindən 6 iyul səhərinə keçən gecə öldüyü bildirilir.
1xeber.media xəbər verir ki, bu barədə “Forbes” nəşri istintaq orqanlarına yaxın mənbəyə istinadən məlumat yayıb.
Daha öncə də Dövlət Dumasının müdafiə komitəsinin rəhbəri Andrey Kartapolov da RTVI-yə Starovoytın ölümünü təsdiqləyərək bildirib ki, bu hadisə "yetərincə əvvəl" baş verib.
Bununla yanaşı, “Maş” teleqram kanalı yazır ki, 7 iyul səhəri Starovoyt işdə olub, iclas keçirib — bu, onun vəzifədən azad olunmasının rəsmi elan edildiyi vaxtla üst-üstə düşür, sonra isə hamı ilə sağollaşıb və evə gedib. Kanalın məlumatına görə, keçmiş nazirin cəsədi bu gün saat günorta saatlarında Maleviç parkı yaxınlığında onun “Tesla” avtomobilində aşkarlanıb.
“Forbes”in məlumatına əsasən, prezidentin nazirin vəzifədən azad olunması ilə bağlı sərəncamını imzaladığı anda Starovoyt artıq ölü olub.
RBK-nın hüquq-mühafizə orqanlarındakı mənbəsi bildirib ki, keçmiş məmura qarşı Kursk vilayətində fortifikasiya qurğularının tikintisi zamanı mənimsəmələrdə iştirakı ilə bağlı yoxlama aparılırmış.
Bu gün Rusiyanın keçmiş nəqliyyat naziri və Kursk vilayətinin keçmiş qubernatoru Roman Starovoyt intihar edib.
