Böyük Britaniya Rusiya Silahlı Qüvvələrinin radiasiya, kimyəvi və bioloji müdafiə qüvvələrinin rəisi Aleksey Rtişşev və onun müavini Andrey Marçenkoya qarşı sanksiyalar tətbiq edib.
1xeber.media xəbər verir ki, bu barədə Britaniya hökumətinin rəsmi saytında dərc olunmuş bəyanatdan məlum olub.
"Aşağıdakı vəzifələr vahid siyahıya əlavə edilib və indi aktivlərin dondurulması və trast xidmətlərinin sanksiyasına məruz qalır: Andrey Marçenko... Aleksey Viktoroviç Rtişşev", - sənəddə deyilir.
Tətbiqi Kimya Tədqiqat İnstitutu da Londonun məhdudiyyətlərinə məruz qalıb. Sanksiyaların tətbiqi üçün əsas kimi kimyəvi silahlarla bağlı qadağan olunmuş fəaliyyətlər olduğu bildirilir.
Bundan əvvəl məlum olub ki, Avropa İttifaqı Qəzza zolağında hərbi əməliyyatlara görə gələn həftə İsrailə qarşı sanksiyaların tətbiqi variantlarını təqdim edəcək. Qeyd olunur ki, Aİ İsrailin Avropa İttifaqı ilə Assosiasiya Sazişinin tam və ya qismən dayandırılmasını müzakirə edir.
