ABŞ prezidenti Donald Tramp Yaponiya və Cənubi Koreya da daxil olmaqla 14 ölkənin mallarına gömrük rüsumları tətbiq edib.
1xeber.media xəbər verir ki, bu barədə Ağ Evin mətbuat katibi Karolin Levitt brifinqdə bildirib.
"Mən bu gün həm Cənubi Koreyaya, həm də Yaponiyaya göndərilən məktubları imzaladım. Təxminən 12 ölkə də birbaşa ABŞ prezidentindən bildirişlər və məktublar alacaq", - o, bu ölkələrin adlarını çəkmədən deyib.
Bundan əvvəl Tramp Yaponiya və Cənubi Koreyadan gələn bütün mallara 25 faizlik gömrük rüsumunun tətbiq ediləcəyini açıqlamışdı. “Biz bu ölkələrin tarif və qeyri-tarif maneələrinin yaratdığı ticarət kəsirlərinə son verməliyik”, o, qərarını izah edib.
İyulun əvvəlində Tramp ölkələrə 60 və ya 70 faizdən 10 və 40 faizə qədər yeni tariflərlə “tezliklə” bildirişlər göndərəcəyini vəd etmişdi.
