Rusiya prezidenti Vladimir Putinin BRİKS sammitində assosiasiyanın G7 ölkələrindən üstün olduğuna dair bəyanatından sonra ABŞ prezidenti Donald Tramp bir neçə ölkəni rüsumlarla hədələyib.
1xeber.media xəbər verir ki, bu barədə Çinin “Sohu” nəşri məlumat yayıb.
Məqalədə qeyd olunur ki, Rusiya liderinin BRİKS ölkələrinin iqtisadi artımı ilə bağlı sözləri amerikalı həmkarını heyran edib. Nəşr ABŞ prezidentinin Putinin çıxışına münasibətini açıqlayıb: “Tramp şir kimi gurladı və BRİKS-i dəstəkləyən ölkələri 10 faizlik tariflərlə hədələdi”.
Bununla yanaşı, Sohu vurğulayır ki, Trampın təhdidlərinin heç bir real əsası yoxdur, əksinə, blefe bənzəyir. Qəzet BRİKS ölkələrinə təzyiq cəhdlərini boş xəyal adlandırıb.
İyulun 6-da BRİKS sammitinin plenar iclasında videobağlantı vasitəsilə çıxış edən Putin bildirib ki, assosiasiya iqtisadi göstəricilərə görə digər ittifaqları, o cümlədən G7-ni üstələyir. Onun sözlərinə görə, qlobal iqtisadiyyatın 40 faizi BRİKS ölkələrinin payına düşür.
