2025-ci il yanvarın 1-nə olan məlumata görə, Aİ əhalisinin sayı 450,4 milyon nəfər təşkil edib ki, bu da əvvəlki illə müqayisədə 1,07 milyon nəfər çoxdur.
1xeber.media xəbər verir ki, bu məlumatı Eurostat öz saytında dərc edib.
Qeyd olunur ki, 2021-ci ildə koronavirus pandemiyası ilə əlaqədar müşahidə olunan azalmadan sonra Aİ əhalisi dördüncü ildir ki, artmaqdadır. Müsbət dinamika miqrasiya axınının artması ilə izah olunur. Ümumilikdə, 1960-cı ildən bəri Aİ əhalisi 95,9 milyon nəfər artıb.
1 yanvar 2025-ci il tarixinə Aİ ölkələrinin əhalisi Almaniyada 83,6 milyon nəfərdən Maltada 0,6 milyon nəfər arasında dəyişir. Ən çox əhalisi olan dövlətlər Almaniya (19 faiz), Fransa (15 faiz) və İtaliya (13 faiz) olub. Onlar Avropa İttifaqının ümumi əhalisinin demək olar ki, yarısını (47 faiz) təşkil edir.
Ötən il yanvarın 1-dən bu il yanvarın 1-dək əhalinin ən çox azalması Latviya, Macarıstan və Estoniyada baş verib. Ən yüksək artım templərini Malta, İrlandiya və Lüksemburq göstərib.
2023-cü ilin fevralında AB-nin o zamankı xarici siyasət rəhbəri Josep Borrell Aİ ölkələrində demoqrafik qışın yaşanmasından şikayətləndi.
