Allahverdi Yolçuyev müalicəsini davam etdirə bilmək üçün corab satır.

1xeber.media xəbər verir ki,bu barədə məlumatı Kult.az-a açıqlamasında aktyor özü təsdiqləyib.

O bildirib ki, corab satanda papaq və eynək taxır ki, tanınmasın:

“Mən 336 manat 58 qəpik təqaüd alıram. 50 ildir bu sənətə qulluq edirəm. Dublyajlar, filmlər, tamaşalar... Niyə mən qiymətləndirilmirəm? Niyə təqaüd verilmir ki, rahat gedim dərman alım?”

Onun sözlərinə görə, bundan əvvəl gül, göyərti satıb:

“İnsanlar maddi yardım etmək istəyirlər, deyirəm, ayıbdır. Corab satmaq ayıb deyil. Marketlərdən iki manata alıram, 4-5 manata satıram. O pulla da dərmanlarımı alıram. Parkinson xəstəsiyəm, beyin əməliyyatı keçirmişəm. Evin yarısı ancaq mənim dərmanlarımdır”.

Aktyorun 4 qızı, 5 nəvəsi var. O, hal-hazırda nəvələriylə yaşayır.

Allahverdi Yolçuyev Mədəniyyət Nazirliyinə dəstək üçün müraciət etdiyini qeyd edib.