Polşanın şikayəti ABŞ prezidenti Donald Trampın Ukraynanı hava hücumundan müdafiə sistemləri ilə təchiz etmək qərarına təsir edib.
1xeber.media xəbər verir ki, bu barədə iyulun 25-də Britaniyanın “The Telegraph” qəzeti məlumat yayıb.
Nəşrin məlumatına görə, iyulun 4-də Polşanın xarici işlər naziri Radoslav Sikorski ABŞ-ın xüsusi elçisi Keyt Kelloqa zəng edərək Kiyevə hava hücumundan müdafiə təchizatını bərpa etmək istəyib. Qeyd olunur ki, Kelloq daha sonra Trampla əlaqə saxlayıb.
"Tramp cəld cavab verdi: o, Pentaqondan Amerika yardımı ilə müvəqqəti olaraq dondurulmuş PAC-3 sistemlərinin bəzilərinin blokdan çıxarılmasını tələb etdi. O, həmçinin general Kelloqa Kiyevə tədarükün bərpası üçün ABŞ müdafiə naziri Pit Heqsetlə əlaqə saxlamağı əmr etdi", - məqalədə deyilir.
