Son dövrlərdə tələbə təqaüdləri də daxil olmaqla bir sıra sosial ödənişlərdə artımlar həyata keçirilib. İndi isə ictimaiyyətin əsas diqqətində maaş və pensiyaların artırılıb-artırılmayacağı məsələsi dayanır. Artım tendensiyasının davam edib-etməyəcəyi və növbəti mərhələdə hansı sosial sahələrdə dəyişikliklərin baş verə biləcəyi maraq doğurur.
1xeber.media xəbər verir ki,Globalinfo.az-an danışan iqtisadçı Ruslan Atakişili qeyd edib ki, əvvəlki dövrlərdə yeni təyin olunmuş əlilliyi olan və sosial həssas qruplar üçün təqaüdlərdə artımlar həyata keçirilib:
“Hazırda isə tələbələrin təqaüdlərinin artırılması diqqət mərkəzindədir. Bu artımın, xüsusilə tədris dövrünün başlanmasına az bir vaxt qalmış baş verməsi tələbələrin oxumağa həvəsinin artırılması və onlara sosial dəstəyin gücləndirilməsi baxımından əhəmiyyətlidir”.
İqtisadçının sözlərinə görə, payız aylarında yenilik gözlənilir:
“Ümumiyyətlə, sentyabr və oktyabr aylarından sonra yeni bir mərhələnin başlayacağı gözlənilir. 2026-cı il dövlət büdcəsinin Milli Məclisə təqdim olunması ilə bağlı proseslər də bu dövrə təsadüf edir. Adətən yeni ilin əvvəlində növbəti ilə dair pensiya və digər sosial ödənişlərdə artımlar həyata keçirilir. Bu baxımdan, yaxın aylarda da müəyyən artımların baş verəcəyi gözlənilə bilər”.
