1xeber.media xəbər verir ki, ABŞ prezidenti Donald Trampa etiraz etmək üçün Şotlandiyanın Edinburq və Aberdin şəhərlərində etirazçılar toplaşıb.
“Yüzlərlə etirazçı şənbə günü həm Edinburqda, həm də Aberdində toplaşaraq ABŞ prezidenti Donald Trampın Şotlandiyaya səfərinə etiraz ediblər”, - deyə telekanal bildirib.
Aberdin mərkəzində nümayişçilər Trampın əleyhinə şüarlar yazılmış pankartlar dalğalandırıb, bəziləri isə Fələstinə dəstək ifadə ediblər. Qeyd olunur ki, Şotlandiya hüquq-mühafizə orqanlarının əməkdaşları Ayrşir, Aberdin, Qlazqo və Edinburqda, həmçinin Trampın qolf klubları olan Turnberry və Meneedə etiraz aksiyaları gözləyirlər.
Bundan əvvəl Tramp və vitse-prezident JD Vensin yay tətilini Böyük Britaniyada keçirəcəkləri barədə məlumat yayılmışdı. Eyni zamanda, Amerika vitse-prezidenti də məzuniyyət zamanı İngiltərə Xarici İşlər Nazirliyinin rəhbəri Devid Lammi ilə Chevening House iqamətgahında görüşmək istəyib, lakin onların qrafikləri üst-üstə düşməyib.
