Bundestaqın Xarici Siyasət Komitəsinin rəhbəri Armin Laşet Fransa prezidenti Emmanuel Makronun digər Avropa liderləri ilə koordinasiya olmadan Fələstin dövlətini tanımaq planını tənqid edib.
1xeber.media xəbər verir ki, O, bu barədə iyulun 25-də Almaniyanın "Die Welt" qəzetinə müsahibəsində qəzetin YouTube kanalında bildirib.
"Bu, prezident Makronun Avropanın xarici siyasətindən gözlədiyi hər şeylə, məsələn, Sorbonnadakı çıxışı ilə ziddiyyət təşkil edir. O, qarşısına ümumi Avropa xarici siyasəti yaratmağı, vahid cəbhə təqdim etməyi hədəf qoyur, sonra isə öz hərəkətlərini avropalı tərəfdaşlarla əlaqələndirmədən təkbaşına gedir", - Laşet hesab edir.
O, güman edir ki, Makron Fransanın böyük ərəb əhalisini razı salmağa çalışır.
