Gecə saatlarında Rusiya Federasiyası Silahlı Qüvvələrinin hərbçiləri “Kinjal” hipersəs raketlərindən istifadə etməklə Ukraynadakı hərbi obyektlərə qrup şəklində zərbə endiriblər.
1xeber.media xəbər verir ki, bu barədə iyulun 28-də Rusiya Müdafiə Nazirliyi məlumat yayıb.
“Qrup zərbəsi uzun mənzilli havadan buraxılan yüksək dəqiqlikli silahlardan, o cümlədən “Kinjal” aeroballistik hipersəs raketlərindən istifadə edilməklə həyata keçirilib”, - məlumatda deyilir.
Bundan əlavə, gecə saatlarında rus əsgərləri hərbi aerodromun infrastrukturunu, döyüş sursatı, raket silahları və Ukrayna Silahlı Qüvvələrinin pilotsuz təyyarələrinin istehsalı üçün komponentləri yüksək dəqiqlikli silahlar və hücum dronları ilə vurublar.
