Azərbaycan Milli Antidopinq Agentliyi (AMADA) tibbi soyuducuların satın alınması ilə bağlı müqavilə bağlayıb.
1xeber.media 32gun.az-a istinadla xəbər verir ki, "VIVA MEDICAL GROUP" MMC ilə imzalanan müqavilənin ümumi dəyəri 36.580 manat təşkil edir.
Məlumata görə, satınalma çərçivəsində tibbi laboratoriya üçün iki çeşid soyuducu əldə ediləcək.
Qeyd edək ki, qalib şirkət – "VIVA MEDICAL GROUP" MMC-nin nizamnamə kapitalı 10.000 manat, qanuni təmsilçisi isə Pərviz İsgəndərsoy Nurəddin oğludur.
Qeyd edək ki, yerli mediada daha əvvəl yayılan məlumatlara görə, bu şirkət Azərbaycan iqtisadiyyatından valyuta çıxaran məşhur şirkətlər arasında yer alıb.
2022-ci ildə yayımlanan bir araşdırmada “VIVA MEDICAL GROUP” MMC də daxil olmaqla bir neçə şirkət iqtisadi fəaliyyət qaydalarını pozmaqda təqsirli bilinmişdi.
Xatırladaq ki, Azərbaycan Milli Antidopinq Agentliyinin icraçı direktoru Təhminə Tağı-zadə, müşahidə şurasının sədri isə millət vəkili Nigar Arpadaraidir.
