Ağdam Rayon Təcili Tibbi Yardım stansiyasının xanım əməkdaşlarını söyən şəxs həbs edilib.
1xeber.media məlumatına görə, 1994-cü il təvəllüdlü A.B. barəsində İnzibati Xətalar Məcəlləsinin 510 və 535.1-cı maddələri ilə tərtib olunmuş inzibati xəta haqqında protokola məhkəmədə baxılıb.
Məlum olub ki, A.B-nin anası xəstə imiş və avqustun 7-si günorta saatlarında Ağdam rayonunun Evoğlu kəndindəki evə təcili tibbi yardım çağrılıb, xəstəyə iynə vurulub.
Saat 20.00 radələrində A.B.-nın anasının vəziyyəti yenidən pisləşib və o, evdə olmadığı üçün qardaşı təcili yardım çağırıb. Sonradan qardaşı ona zəng vuraraq, həkim gəlmədiyini deyib. A.B. Ağdam Rayon Təcili Tibbi Yardım stansiyasının 103 xidmətinə zəng vurararaq, oradakı xanım tibb bacılarını söyüb.
8 avqust tarixində saxlanılan A.B. məhkəmənin hökmü ilə 10 günlük həbs olunub.
