İran Azərbaycanın iki hissəsini Ermənistan ərazisindən Rusiya ilə və ya Rusiyasız birləşdirəcək “Tramp körpüsü”nün qarşısını kəsəcəyinə söz verib.
1xeber.media xəbər verir ki, bunu Əli Xamneyinin beynəlxalq məsələlər üzrə müşaviri Əli Əkbər Vilayəti deyib.
Onun sözlərinə görə, ABŞ-ın dəstəklədiyi və “Tramp körpüsü” ləqəbi ilə tanınan Zəngəzur dəhlizi ilə nəqliyyat kommunikasiyaları layihəsi “sui-qəsddir” və Ermənistanı parçalamağa yönəlib. İranlı müşavir onu da qeyd edib ki, “erməni xalqının qəti müqaviməti ilə üzləşir”.
Vilayəti həmçinin bildirib ki, ABŞ layihəsi “Trampın muzdluları üçün qəbiristanlığa” çevriləcək. Onun sözlərinə görə, İran Rusiya ilə də, Rusiyasız da bunu dayandıracaq.
