Çin Ukraynadakı münaqişənin həlli üçün Rusiya və ABŞ arasında əməkdaşlığı alqışlayır.
1xeber.media xəbər verir ki, bunu Çin Xarici İşlər Nazirliyinin rəsmi nümayəndəsi Lin Jian Vladimir Putin və Donald Trampın avqustun 15-də Alyaskada keçiriləcək sammitini şərh edib.
“Biz Rusiya ilə ABŞ arasında təmasların saxlanmasını, həmçinin ölkələr arasında münasibətlərin yaxşılaşdırılmasını və Ukrayna böhranının sülh yolu ilə həlli prosesinin təşviqini qeyd etməkdən məmnunuq”, - diplomat bildirib.
Lin Jian Çinin Ukraynada sülhün bərqərar olmasına töhfə verən bütün səyləri dəstəklədiyini vurğulayıb.
Avqustun 8-də Çin prezidenti Si Cinpin bildirib ki, Pekin Rusiya ilə ABŞ arasında münasibətlərin qurulmasından şaddır. O qeyd edib ki, tərəflər Ukrayna böhranının siyasi həllini təşviq edirlər.
“The New York Times”ın (NYT) məlumatına görə, Putinlə Tramp arasında görüş Alyaska ştatının ən böyük şəhəri olan Ankoricdə baş tuta bilər. Məqalə müəlliflərinin qeyd etdiyi kimi, bu seçim və görüşün “gecə yarısı günəşi vəziyyətində” keçirilməsinin özü müsbət siqnaldır, çünki burada rus irsi hələ də güclüdür.
