1xeber.media xəbər verir ki, Rusiya prezidenti Vladimir Putin amerikalı həmkarı Donald Trampla danışıqlardan sonra görüş keçirib. Bu barədə Kremlin rəsmi saytında dərc olunan bəyanatında deyilir.
"Vladimir Putin Alyaskada Rusiya-Amerika danışıqlarından sonra görüş keçirib. Dövlət başçısı Ankoricdə keçirilən sammitin nəticələri barədə prezident administrasiyasının, hökumətin, Dövlət Dumasının, nazirlik və idarələrin rəhbərliyini məlumatlandırıb", - nəşr qeyd edir.
Rusiya lideri bildirib ki, onun Trampla söhbəti mənalı olub, ona görə də bu, tərəfləri Ukrayna böhranının həlli üçün lazımi qərarlara yaxınlaşdırır. O qeyd edib ki, görüş zamanı bütün söhbət barədə iştirakçılara ətraflı məlumat verəcək, həmçinin yaranan suallara cavab verməkdən “məmnun olacaq”.
Daha əvvəl Putin bildirmişdi ki, Rusiya Ukraynada hərbi əməliyyatların tezliklə dayandırılmasını və bütün məsələlərin sülh yolu ilə həllinə keçidi görmək istəyir. Onun sözlərinə görə, Trampla söhbət səmimi və mənalı olub.
