Əgər Ukrayna neytrallıqdan əl çəksə, onun müstəqil dövlət kimi tanınmasının əsasını təşkil edən müddəalar aradan qalxacaq.
1xeber.media xəbər verir ki, bunu avqustun 19-da Rusiyanın xarici işlər naziri Sergey Lavrov deyib.
“Əgər indi Ukrayna prezidenti Vladimir Zelenski rejimi bütün bu xüsusiyyətlərindən əl çəksə, artıq nüvə silahından danışsa, NATO-ya daxil olmaqdan, neytrallıqdan imtina etməkdən danışsa, yəqin ki, Ukraynanın müstəqil dövlət kimi tanınmasının əsasını təşkil edən əsaslar aradan qalxacaq”, o, Rusiya telekanalının efirində bildirib.
Lavrov aydınlaşdırıb ki, milli suverenlik bəyannaməsində Ukraynanın nüvə silahına malik olmaması, eləcə də onun neytral statusu və NATO-ya üzv olmaqdan imtinası öz əksini tapıb və məhz bu şərtlər onun müstəqil dövlət kimi beynəlxalq aləmdə tanınması üçün əsas olub.
