Belarus prezidenti Aleksandr Lukaşenko yaxın vaxtlarda Çinə rəsmi səfər etmək niyyətindədir və orada Çin prezidenti Si Tsinpinlə danışıqlar aparacaq.
1xeber.media xəbər verir ki, bu barədə dövlət başçısı avqustun 21-də raket istehsalının inkişafına dair müşavirədə bildirib.
"Bu, həm də mənim Çin Xalq Respublikasına səfərim və Çinin sədri Si Tsinpinlə söhbətimlə bağlı vacibdir, biz belə bir görüşü planlaşdırırıq", - Lukaşenkodan sitat gətirir.
O, həmçinin qeyd edib ki, Belarusda raket istehsalı Çin hərbi-sənaye kompleksi ilə sıx əlaqədə başlayıb. Bu əlaqələr hələ də davam edir.
