ABŞ Prezidenti Donald Tramp 2025-ci ildə Çinə səfər etməyi planlaşdırdığını bildirib.
1xeber.media xəbər verir ki, ABŞ lideri bu barədə Ağ Ev tərəfindən yayımlanan Cənubi Koreya lideri Li Çje Myonla birgə mətbuat konfransı zamanı söyləyib.
“Yəqin ki, bu il ərzində və ya tezliklə Çinə gedəcəyik” deyən Tramp bunu Çin Prezidenti Si Çinpinlə müzakirə etdiyini qeyd edib.
Xatırladaq ki, bundan əvvəl Tramp özündən əvvəlki ABŞ prezidentləri Cozef Bayden və Barak Obamanı Rusiya ilə Çin arasında ittifaq yaratmaqda ittiham edib.
