TNS TV-nin efirində Tural Səfərin aparıcılığı ilə "Doğru Məkan" verilişində qonaq olan “Yeni Müsavat” Media Qrupunun rəhbəri Rauf Arifoğlu gündəmlə bağlı sensasion şərhlər verib.
Musavat.com xəbər verir ki, Rauf Arifoğlu “sapı özümüzdən olan baltalar” haqqında da danışıb.
Söhbət xaricdə oturub, xaricdən maliyyələşib, özlərini müxalifət kimi təqdim edən şəxslərdən gedir.
AXCP sədri Əli Kərimlinin fəaliyyətinə də toxunan Rauf Arifoğlu bildirib ki, bu adamların sadəcə olaraq virtual məkanda uzantıları genişdir və onlar Rusiyadan, İrandan belə dəstəklənirlər:
“Bunların ilk gündən tezisləri zəfərimizə kölgə salmaq olub. Deyirdilər ki, “zəfər yarımçıqdır”, “Azərbaycan dövləti Xankəndini ruslara satıb” və sairə. Halbuki həmin zaman Şuşa daxil Azərbaycanın işğalda olan bütün əraziləri qaytarılmışdı. Bu adamlar belə böyük zəfərə sevinmədilər və bir sıra insanları da sevinməyə qoymadılar. Onlara az da olsa inananlar da var idi... Ancaq sonradan hər kəs reallığı gördü. İndi isə yuxarıda da qeyd etdiyim kimi, realda ətraflarında heç kim yoxdur, fəaliyyətləri sosial şəbəkə üzərindədir..."
Verilişdən həmin hissəni təqdim edirik:
