Rusiya prezidenti Vladimir Putinlə Azərbaycan Prezidenti İlham Əliyevin Pekinə səfəri zamanı ayrıca görüşün keçirilməsi ilə bağlı razılıq yoxdur.
1xeber.media xəbər verir ki, bu barədə Rusiya prezidentinin köməkçisi Yuri Uşakov məlumat verib.
"Xüsusi görüş yoxdur, bu barədə razılığa gəlməmişik. Amma yenə də liderlər eyni tədbirlərdə bir masa arxasında oturacaqlar. Necə deyərlər, buna istək, iradə olsa, hər şey mümkündür", - deyə Uşakov bildirib.
Qeyd edək ki, Azərbaycan Prezidenti İlham Əliyev sentyabrın 3-də Pekində keçiriləcək İkinci Dünya Müharibəsinin başa çatmasının 80 illiyinə həsr olunmuş anım tədbirlərində iştirak edəcək.
