Rusiyanın Özbəkistan Respublikasında Səmərqənddəki Baş Konsulluğu yaxın vaxtlarda açılacaq.
1xeber.media xəbər verir ki, bu barədə avqustun 29-da Rusiya xarici işlər nazirinin müavini Sergey Ryabkov Özbəkistan səfirliyində keçirilən tədbirdə bildirib.
"Rusiyanın Səmərqənddə baş konsulluğunun yaradılması üzrə işlər yekunlaşmaq üzrədir. Bu idarənin açılışı yaxın vaxtlarda baş tutacaq", - RİA Novosti nazir müavinindən sitat gətirir.
O, həmçinin əlavə edib ki, Baş Konsulluğun açılması ikitərəfli əlaqələri, o cümlədən regional ölçüləri genişləndirmək üçün qarşılıqlı istəyi təsdiqləyir.
Ötən ilin fevralında Rusiyanın baş naziri Mixail Mişustin Rusiyanın Səmərqənddə baş konsulluğunun açılması haqqında sərəncam imzalayıb.
