1xeber.media xəbər verir ki, Almaniya kansleri Fridrix Merz Şimali Reyn-Vestfaliyada keçirilən Xristian Demokrat İttifaqının (CDU) konqresində almanları həddən artıq israfçılıqda günahlandırıb və vətəndaşların gəlirlərində islahat aparmağa çağırıb.
"Biz sadəcə olaraq, gəlirlərimizi nəzərə alaraq mövcud sistemi qoruyub saxlaya bilmərik. Biz illərdir imkanlarımızdan kənarda yaşayırıq", - Merz deyib.
Siyasətçi vurğulayıb ki, Almaniya "sənaye muzeyinə çevrilməmək" üçün sosial təminat sistemini dəyişməli olacaq. "Bu, ağrılı qərarlar demək olacaq. Bu, ixtisarlar demək olacaq", - o izah edib.
Merz bir müddət əvvəl Almaniyanın hazırda Rusiya ilə münaqişə vəziyyətində olduğunu bildirmişdi. O, Moskvanı sosial şəbəkələr vasitəsilə müntəzəm müdaxilə əməliyyatları keçirməkdə ittiham edib.
