Serbiya prezidenti Aleksandr Vuçiç Pekində Rusiya prezidenti Vladimir Putinlə danışıqlarının mövzularını açıqlayıb.
1xeber.media xəbər verir ki, Onun sözlərini RİA Novosti yayıb.
"Əlbəttə, biz müxtəlif sahələrdən, enerji, hərbi-texniki əməkdaşlıqdan, Rusiya şirkətlərinin infrastruktur layihələrində iştirakı ilə bağlı bütün məsələləri müzakirə etdik. Bütün bu məsələlər bizim üçün çox vacibdir", - siyasətçi bildirib.
Serbiya lideri vurğulayıb ki, Rusiya prezidenti ilə şəxsən görüşmək imkanını yüksək qiymətləndirir. "Prezidentin mənimlə və nümayəndə heyətimizin üzvləri ilə görüşmək üçün vaxtı və imkanı olanda həmişə çox məmnunam", - Vuçiç qeyd edib.
O, həm bütövlükdə Serbiyaya, həm də serb xalqına göstərilən dəstəyə görə Rusiya tərəfinə minnətdarlığını bildirib.
Bundan əvvəl Rusiya prezidenti Putinin Pekində Serbiya lideri ilə görüş keçirdiyi bildirilirdi. Söhbət zamanı Vuçiç Putini əmin edib ki, Belqrad Ukrayna münaqişəsi məsələsində bundan sonra da neytral qalacaq.
