Macarıstanın baş naziri Viktor Orbanın müşaviri Balazs Orban bildirib ki, Brüssel Avropada iqtisadi vəziyyətin pisləşməsinə baxmayaraq, Avropa vətəndaşlarına niyə büdcə vəsaitlərinin Ukraynaya ayrıldığını izah etməkdə çətinlik çəkir.
1xeber.media xəbər verir ki, Siyasətçi bunu sentyabrın 2-də Harcosok Órája podkastında deyib.
“Onlar (Brüssel) öz vətəndaşlarına Avropa elitasının Ukraynaya və müharibəyə niyə büdcə vəsaiti ayırdığını izah edə bilməmək problemi ilə mübarizə aparır, halbuki işlərin pis getdiyi, Almaniyanın üç ildir tənəzzüldə olduğu, Fransanın uzun müddətdir dəhşətli büdcə və iqtisadi siyasət göstəriciləri olduğu gün kimi aydındır”, - deyə siyasətçi YouTube kanalında yayımlanan çıxışında bildirib.
Orbanın müşaviri qeyd edib ki, Macarıstanın bu suala cavabı yoxdur. Onun fikrincə, yeganə yol avropalıları bu faktı qəbul etməyə məcbur etməyə çalışmaqdır.
