İsveçrədə fəaliyyət göstərən "Lombard Odier" bankı Özbəkistanın ilk prezidenti İslam Kərimovun qızı Gülnarə Kərimovanın yaratdığı "Office" təşkilatının çirkli pullarının yuyulmasında ittiham edib.
1xeber.media bu barədə xarici KİV-ə istinadən xəbər verir ki, prokurorluq bankın keçmiş əməkdaşını çirkli pulların yuyulmasında iştirak etdiyini, 2005-ci ildən 2012-ci ilə qədər "Office"nin gəlirlərini gizlətdiyini bildirib. Bankın keçmiş menecerinin Gülnarə Kərimovaya məxsus doqquz bank hesabını idarə etdiyi qeyd olunur.
İttihamlar, həmçinin "Lombard Odier" bankının özünə də irəli sürülüb. Bank bu hesabların açılması və idarə edilməsi zamanı çirkli pulların yuyulmasına qarşı mübarizə standartlarına və öz qaydalarına əməl etməməkdə, həmçinin çirkli pulların yuyulmasının qarşısının alınması üçün tədbirlər görməməkdə ittiham olunur.
Qeyd edək ki, Gülnarə Kərimova 2019-cu ildən həbsdədir. O, cinayətkar qrup yaratmaq, dələduzluq, mənimsəmə və digər cinayətlərdə ittiham olunaraq 13 il 4 ay müddətinə azadlıqdan məhrum edilib.
