Dünya Alpaqut Federasiyasının (DAF) İcraiyyə Komitəsinin üzvləri və Azərbaycan nümayəndəliyinin rəhbər şəxsləri tutduqları vəzifələrdən istefa veriblər.
1xeber.media məlumatına görə, DAF Prezidenti Jalə Əhmədova, 1-ci vitse-prezident Könül Nurullayeva, Vitse-prezident Anar Qurbanov, İctimaiyyətlə əlaqələr departamentinin rəhbəri Firuzə İskəndərova, Katibliyin rəhbəri Tünzalə Əzimova istefa qərarı veriblər.
Azərbaycan nümayəndəliyində istefa qərarı verənlər isə aşağıdakı şəxslərdir:
• Prezident – Fuad Quliyev
• 1-ci vitse-prezident – Mehman Səfərov
• Vitse-prezident – Davud Davudov
• Könüllülərlə iş departamentinin rəhbəri – Jalə Məmmədova
İstefaların əsas səbəbi Federasiyanın idarə olunması və inkişaf strategiyası ilə bağlı İcraiyyə Komitəsi və İdarə Heyəti arasında yaranmış ciddi fikir ayrılıqlarıdır.
modern.az
