ABŞ prezidenti Donald Tramp Böyük Britaniyanın baş naziri Keir Starmerə qeyri-qanuni immiqrasiya ilə mübarizə üçün ordudan istifadə etməyi təklif edib.
1xeber.media xəbər verir ki, onun bəyanatı Ağ Ev tərəfindən yayımlanan birgə mətbuat konfransı zamanı verilib.
"Hərbidən istifadə edib-etməməyin, hansı resurslardan istifadə etməyin fərqi yoxdur. Amma bu, ölkələri daxildən məhv edir", - Amerika lideri bildirib.
Trampın sözlərinə görə, onun administrasiyası sərt tədbirlərlə ABŞ-a qeyri-qanuni immiqrasiya problemini həll etməyə nail olub. O əlavə edib ki, son üç ayda bir nəfər də olsun qeyri-qanuni yolla ABŞ-a daxil olmayıb.
Bundan əvvəl Tramp rusiyalı həmkarı Vladimir Putindən Ukraynadakı münaqişənin sülh yolu ilə həlli ilə bağlı məyus olduğunu bildirib. "Putin məni ruhdan saldı. O, həqiqətən də məni ruhdan saldı" dedi.
