1xeber.media xəbər verir ki, ABŞ və Rusiya prezidentləri Donald Tramp və Vladimir Putin Macarıstanın paytaxtı Budapeştdə görüşəcək. Amerika lideri bu barədə özünün Truth Social səhifəsində məlumat verib.
“Prezident Putinlə mən əvvəlcədən razılaşdırılmış yerdə – Budapeştdə, Macarıstanda görüşəcəyik, Rusiya və Ukrayna arasındakı bu “rüsvayçı” müharibəyə son qoymağa çalışacağıq”, – Tramp deyib.
Ağ Ev rəhbəri əlavə edib ki, telefon danışığının sonunda o və Putin iki ölkənin baş məsləhətçilərinin görüşünə razılaşıblar. Bu, liderlərin Budapeşt görüşündən əvvəl olacaq. Vaşinqtonu ABŞ dövlət katibi Marko Rubio və adı açıqlanmayan bir neçə yüksək vəzifəli məmur təmsil edəcək.
Vladimir Putinlə Donald Tramp arasında danışıqlar dünən yekunlaşıb. Təxminən iki saat davam etdi.
Bundan əvvəl Amerikanın “Axios” xəbər agentliyi Vladimir Putinlə söhbətin Trampın Ağ Evdə Ukrayna prezidenti Vladimir Zelenski ilə görüşündən əvvəl planlaşdırıldığını yazmışdı.
