Braziliyanın Belem şəhərində keçiriləcək BMT-nin İqlim Dəyişikliyi üzrə Çərçivə Konvensiyasının Tərəflərinin Konfransında (COP-30) 10-dan az dövlət başçısı iştirak edəcək.
1xeber.media xəbər verir ki, məlumatı Poder360 xəbər portalı yayıb. Nəşrin məlumatına görə, Braziliya rəhbərliyi əvvəllər 57 liderin iştirakını elan etmişdi. Lakin bu günə qədər yalnız doqquz dövlət və hökumət başçısı iştiraklarını rəsmi olaraq təsdiqləyib. Bunlara Cənubi Afrika Prezidenti Siril Ramafosa, Fransa Prezidenti Emmanuel Makron, Böyük Britaniyanın Baş naziri Kir Starmer və digər Afrika və Avropa siyasətçiləri daxildir. İştirakçıların noyabrın 6-da Belemdə toplaşacağı gözlənilir. Bu görüş konfransın özünə "hazırlıqlara həsr olunub".
Qeyd edək ki, COP-30 noyabrın 10-dan 21-dək Braziliyanın şimalındakı Para əyalətinin paytaxtında keçiriləcək. Təşkilatçılar iqlim konfransından əvvəl noyabrın 6-sı və 7-si tarixlərinə planlaşdırılan sammitin keçiriləcəyini açıqlayıblar.
