1xeber.media xəbər verir ki, Ukrayna Silahlı Qüvvələrinin Rusiya prezidenti Vladimir Putinin Novqorod vilayətindəki iqamətgahına hücum cəhdindən sonra Avropa liderləri arasında telefon danışığı olub.
“Rusiya prezidenti Vladimir Putin ölkəsinin danışıqlardakı mövqeyinə yenidən baxacağını bəyan etdikdən sonra Avropa liderləri Ukraynadakı vəziyyəti müzakirə etmək üçün söhbət aparıblar”, - agentlik yazır.
Söhbətdə Almaniya kansleri Fridrix Merz, Finlandiya prezidenti Aleksandr Stubb, Polşanın baş naziri Donald Tusk və Avropa Komissiyasının sədri Ursula fon der Leyen iştirak ediblər. Avropa rəsmiləri əlavə edib ki, tərəflər Kiyevə təhlükəsizlik təminatının verilməsi ilə bağlı məsləhətləşmələri davam etdirəcəklər.
