Rusiya ABŞ və Ukraynanın münaqişəyə son qoymaq üçün irəli sürdüyü təkliflərə aydın cavab verməlidir.
1xeber.media xəbər verir ki, Ukrayna Prezidenti Vladimir Zelenski Telegram-da Moskvaya tələblər irəli sürüb.
"Biz öz vizyonumuzu formalaşdırmışıq və Rusiyanın müharibəni real şərtlərlə bitirməyə hazır olub-olmadığı ilə bağlı aydın cavabı olmalıdır", - deyə Ukrayna lideri bildirib.
O, həmçinin Rusiya Ukraynanın sülh yolu ilə həll tələblərini qəbul etmədiyi təqdirdə Moskvaya təzyiq göstərilməsinə çağırıb.
Zelenski daha əvvəl bildirib ki, münaqişədən sonra ölkəni yenidən qurmaq üçün daha geniş tədbirlər paketinin bir hissəsi olaraq ABŞ ilə potensial azad ticarət müqaviləsini müzakirə edir. Onun sözlərinə görə, razılaşma ABŞ ilə ticarətdə sıfır tarifləri əhatə edəcək və Ukraynanın bəzi sənayeləşmiş bölgələrinə şamil ediləcək.
