Rusiya Birbaşa İnvestisiya Fondu (RDIF) Süni İntellektin İnkişafı üzrə BRICS Alyansının (BRICS+AI Alliance) yaradıldığını elan edib.
1xeber.media xəbər verir ki, fondun dekabrın 11-də “İzvestiya”ya daxil olan press-relizində qeyd edildiyi kimi, bu barədə süni intellekt texnologiyaları sahəsində tanınmış beynəlxalq ekspertləri bir araya gətirən illik AI Journey (“Süni intellekt dünyasına səyahət”) konfransında bildirilib.
Birinci mərhələdə assosiasiyanın altı ölkəsindən (Rusiya, Braziliya, Hindistan, Çin, İran və BƏƏ) 20-dən çox şirkət alyansa qoşulmaq arzusunu bildirib. Ümumilikdə, BRICS+AI Alyansının yaradılması artıq 50-dən çox beynəlxalq şirkət tərəfindən dəstəklənib. RDIF-in baş direktoru Kirill Dmitriev belə bir icmanın yaradılması ideyasını oktyabrın 18-də Moskvada keçirilən BRİKS Biznes Forumu zamanı Rusiya prezidenti Vladimir Putinə təqdim edib.“BRICS+AI Alyansı Rusiya ilə BRİKS ölkələri arasında süni intellekt texnologiyalarının inkişafına yanaşmaların əlaqələndirilməsində mühüm rol oynayacaq. Hazırda BRİKS üzvləri tədqiqat aparan və ya öz işlərində süni intellekt sistemlərini tətbiq edən şirkətlərin payına görə dünya liderləri sırasındadır. 2023-cü ildə onlar dünyada süni intellektə yatırılan bütün vençur sərmayələrinin 20%-dən çoxunu təşkil edib”, - RDIF aydınlaşdırıb.
