ABŞ-nin sabiq birinci xanımı Cill Baydenin keçmiş əri, 77 yaşlı Uilyam Stivenson, hazırkı həyat yoldaşı Lindanın qətlində ittiham olunur.
1xeber.media xəbər verir ki, bu barədə TMZ rəsmi mənbələrə istinadən xəbər yayıb.
Qadın 28 dekabr gecəsi baş verən ailə münaqişəsindən sonra cütlüyün Delaverdəki evinin qonaq otağında huşsuz vəziyyətdə tapılıb. Ölüm səbəbi rəsmi olaraq açıqlanmayıb, lakin hadisə yerindən səs yazıları ürək dayanmasını göstərir.
Amerika mediasının məlumatına görə, Uilyam hadisədən sonra polisə zəng edib. Stivenson 2 fevralda həbs edilib və 500.000 dollar girov müqabilində nəzarətdə saxlanılıb.
Cill Bayden və Uilyam Stivenson 1970-ci ildən 1975-ci ilə qədər evli olublar. Boşandıqdan sonra o, 1977-ci ildə Co Baydenlə evlənib.
