Göyçayın arıçılıq təsərrüfatlarında fermerləri çaşbaş qoyan nüanslar ortaya çıxıb. "Arı canavarları" adlanan zərərverici həşəratlar yeşiklərin nəfəsliyindən daxil olaraq bal arılarına hücum çəkir, onları məhv edir.
Təsərrüfat sahibləri payız və qış mövsümünə uyğun olaraq müalicə və xəstəliklərə qarşı mübarizə üsullarına riayət etsələr də, arıların kəskin şəkildə azalması ilə üzləşirlər.
"Arıçı başa düşməsə, bu zərərverici həşəratlar 3-5 gün ərzində bütün arıxananı məhv etmək iqtidarındadır. Götürdüyümüz məhsul azdır, ona görə də, məcburuq balı camaata 30-40-50 manata təqdim edək", - deyə arıçı Vüqar Əfəndiyev deyib.
