Tramp İranın zənginləşdirilmiş uranının onu narahat etmədiyini bildirib

“O, yerin o qədər dərinliyindədir ki, bu məni narahat etmir. Biz buna hər zaman peyk vasitəsilə nəzarət edəcəyik”, 

1xeber.media xəbər verir ki,bu barədə  ABŞ prezidenti millətə müraciətindən əvvəl “Reuters” agentliyinə müsahibəsində bildirib.

Donald Tramp iddia edir ki, İranın nüvə silahı yaratmasının qarşısının alınması məqsədinə nail olunub və guya hazırda Tehran belə bir silah hazırlamaq iqtidarında deyil.

CNN qeyd edib ki, bu bəyanat Trampın ötən həftəki sözləri ilə ziddiyyət təşkil edir. O zaman prezident demişdi: “Biz uranın zənginləşdirilməsini istəmirik, lakin biz həm də həmin uranı əldə etmək istəyirik”. ABŞ-ın bunu necə edəcəyi ilə bağlı dəqiqləşdirici suala isə o, belə cavab vermişdi: “Bu, çox sadədir. Əgər onlarla razılaşmamız olsa, biz oraya gedib onu götürəcəyik”.