Qərb ölkələri Ukraynanı Avropanın strateji arxitekturasının bir hissəsi kimi görür, lakin bu, ölkənin NATO-ya qəbulu üçün kifayət etmir. Bundan əlavə, ABŞ-ın seçilmiş prezidenti Donald Tramp, prinsipcə, alyansa bir qədər şübhə ilə yanaşır və regiondakı münaqişənin nəticələrinə əsasən, Ukraynanın bloka daxil olması ilə bağlı qərar verəcək.
1xeber.media xəbər verir ki, bunu dekabrın 19-da Beynəlxalq Cinayət və Terrorla Mübarizə Mərkəzinin sədri, beynəlxalq politoloq Enes Karaxanov müsahibəsində deyib.
Bir gün əvvəl Amerika prezidentinin xüsusi köməkçisi və Milli Təhlükəsizlik Şurasının Avropa məsələləri üzrə direktoru Maykl Karpenter demişdi ki, NATO-da Ukraynanın qəbulu ilə bağlı hələlik konsensus yoxdur. O, həmçinin vurğulayıb ki, Kiyevin alyansa qoşulub-qoşulmayacağı Trampdan asılı olacaq.“Donald Tramp keçmiş prezident kimi dəfələrlə NATO-ya şübhə ilə yanaşıb, onu Soyuq Müharibənin yadigarı adlandırıb və müttəfiqlərini kifayət qədər maliyyə yardımı olmadığına görə tənqid edib.
Lakin onun Rusiyaya qarşı siyasəti ziddiyyətli idi.
Onun Ukraynanın alyansa üzvlüyünə yanaşmasını proqnozlaşdırmaq olduqca çətindir - Tramp rasional oyunçu olsa da, biz həmişə qəfil “sürprizlər” gözləyə bilərik”, deyə Karaxanov şərh edib.
