"Süni intellekt və dizayn. Biz bu məsələyə çox diqqətlə, eyni zamanda ehtiyatla yanaşırıq".
1xeber.media xəbər verir ki, bunu Azərbaycan Memarlıq və İnşaat Universitetinin (AzMİU) rektoru Gülçöhrə Məmmədova deyib.
Universitetdə keçirilən "Dizayn Həftəsi"ndə çıxış edən rektor bildirib ki, bu məsələyə artıq aydınlıq gəlməlidir:
"Çünki bu, bizi gələcəkdə gözləyən bir məsələ deyil. Artıq bu gün bizim həyatımıza, təhsilimizə daxil olan bir prosesdir. Bu daxil olmanı getdikə daha çox görəcək və hiss edəcəyik. Daha səviyyəli təhsil vermək üçün biz bunu mənimsəməli və istifadə etməliyik. Süni intellektin təhsilə gəlməsindən qaça bilmərik. Bunun qarşısını ala bilmərik, heç ehtiyac da yoxdur.
Bundan necə istifadə etməliyik, təhsilimizdə nəyi və necə dəyişməliyik ki, zamanın və yeni texnolofiyaların tələbləribə uyğun hərəkət edə bilək, eləcə də təhdsilimizin keyfiyyətini bundan da yuxarı səviyyəyə qaldıra bilək?! Belə mövzuları bir yerə yığışaraq müzakirə etməyimiz, ümumi nəticələrə gəlməyimiz çox gözəldir. Bu işlər gələcəkdə də davam etməlidir".
