"İqlim dəyişiklikləri fonunda kənd təsərrüfatının inkişafı yeni bir mərhələyə qədəm qoyub. Bu mərhələdə toxumçuluq sektorunun inkişafı xüsusi əhəmiyyət daşıyır".
1xeber.media xəbər verir ki, bunu kənd təsərrüfatı nazirinin müavini Seymur Səfərli Milli Məclisin Aqrar siyasət komitəsinin bu gün keçirilən iclasında deyib.
O bildirib ki, ərzaq təhlükəsizliyinin təmin olunması üçün yerli toxum istehsalının təşkili və onun genişləndirilməsi mühüm rol oynayır.
"Sertifikatlaşdırılmış toxumların etiketlərində toxum haqqında tam və ətraflı məlumatın əks olunması tələb olunur. Bu da toxum bazarının inkişafına və şəffaflığın artırılmasına xidmət edir. Bundan əlavə, qeydiyyatdankənar fəaliyyət göstərən şəxslər tərəfindən istifadə olunan və sınaq məqsədli toxumların ayrıca test edilməsinə imkan yaradılması da nəzərdə tutulur. Bu isə daha çevik və səmərəli toxum bazarının formalaşmasına töhfə verə bilər".
