"Məlum olduğu kimi bir neçə gün bundan əvvəl Çeçenistana uçan Azərbaycan təyyarəsi Aktau şəhərində qəzaya uğradı. Öncə hadisədə həyatını itirənlərin yaxınlarına səbir, yaralılara şəfa diləyirəm".
Bunudeputat Ceyhun Məmmədov deyib.
O, açıqlamasında qeyd edib ki, kimliyindən asılı olmayaraq hər kəs qəza ilə bağlı açıqlamalarda çox soyuqqanlı, diqqətli və ehtiyatlı olmalı, dövlətlərarası əlaqə və münasibətlərə xələl gətirməməli, birlik və həmrəyliyimizi qorumalıdır:
"Qeyd etmək lazımdır ki, Prezident İlham Əliyev hadisəyə operativ reaksiya verərək Rusiyaya səfərini ləğv etdi, təyyarədə olarkən komissyanın yaradılması barədə müvafiq tapşırıqlar verdi, Azərbaycanlı nazirlər Qazaxısatana səfər etdi, Prezident İlham Əliyev Azərbaycana dönən kimi, hava limanında müşavirə keçirdi, aidiyyatı strukturlara müvafiq tapşırıqlar verdi.
Hazırda Prezident İlham Əliyevin müvafiq tapşırıqlarına əsasən dövlət qurumları qəza hadisəsinin ətraflı və dəqiq araşdırlması üçün bütün zəruri addımları atır. Dövlət üzərinə düçəni edir.
Təəssüflə qeyd etmək lazımdır ki, hadisə baş verən kimi müxtəlif spekulyasiları gördük. Həm daxildən həm də xaricdən idarə olunan bir sıra qruplar hadisəni quru sərhədlərinin bağlı olması ilə əlaqələndirməyə cəhd etdilər. Sanki quru sərhədlər açıq olsa idi təyyarə reysləri olmayacaq və qəza hadisəsi baş verməyəckdi.
Prezident İlham Əliyevin də qeyd etdiyi kimi, quru sərhədlərin bağlı olması ölkəmizin milli təhlükəsizliyi, dövlətimizin təhlükəsizliyinə qarşı yönəlmiş təhdidlərlə bağlıdır. Sərhədlərin bağlı olması məhz bu zərurətlə bağlıdır. Hazırda həm regionda, həm dünyada baş verən proseslər bizdən bu addımları atmağı zəruri edir. Hamı bu məsələyə anlayışla yanaşmalıdır. Dövlətin başqa heç bir marağı yoxdur.
Eyni zamanda, hesab edirəm kimliyindən asılı olmayaraq hər kəs qəza ilə bağlı açıqlamalarda çox soyuqqanlı, diqqətli və ehtiyatlı olmalı, ümumdövlət maraqlarından çıxış etməli, dövlətlərarası əlaqə və münasibətlərə xələl gətirməməli, birlik və həmrəyliyimizi qorumalıdır.
Eyni zamanda, bütün vətəndaşlar dövlətin yanında olmalı həmrəylik nümayiş etdirməlidirlər. Hər kəs bilməlidir ki, bu gün biz eyni zamanda ciddi informasiya müharibəsi və feyk xəbərlərlə ilə üz-üzəyik. Kimlərsə bu hadisədən hansısa dövlətlərə və kimlərəsə qarşı istifadə etməyə cəhd edəcəkdir. Buna imkan verməməliyik. Eyni zamanda, bu qəzanın baş verməsində təqsiri olan bütün tərəf və dövlətlər məsuliyyətə cəlb edilməli, günahkarlar cəzalandırılmalıdırlar. Bunun üçün də nə lazımdırsa dövlətimiz edəcək.
Ona görə hər bir informasiya və məlumat dəqiqləşdirilməli və rəsmi mənbələrə istiand edilməlidir. Dövlət hər zaman üzərinə düşəni edib, bu gündən sonar da edəcək. Buna hər kəs əmin olsun".
