1xeber.media xəbər verir ki, Gürcüstanda iqtisadi fəallığın yüksək olması Azərbaycan üçün də müsbət amil hesab olunur. Bu barədə Maliyyə Nazirliyinin 2027–2030-cu illər üzrə ortamüddətli xərclər çərçivəsində məlumat verilib.
Sənədə əsasən, Gürcüstan iqtisadiyyatı 2025-ci ildə 7,5% böyüyüb. 2026-cı ildə artımın 5,3% olacağı proqnozlaşdırılır. Daxili tələb, xidmət sektoru, turizm, investisiyalar və tranzit-logistika fəaliyyəti əsas artım mənbələri kimi göstərilir.
Hökumət hesab edir ki, Gürcüstanda iqtisadi fəallığın artması Azərbaycanın ərzaq, tikinti materialları, kimya və digər qeyri-neft məhsullarına tələbin yüksəlməsinə şərait yarada bilər.
Sənəddə Türkiyə və Rusiyada iqtisadi artımın daha zəif olacağı, Özbəkistanda isə 2026-cı ildə artımın 6,5–6,8% təşkil edəcəyi proqnozlaşdırılır.
